My hindi favourite quotes

Apne charitra ko zameen jaisa mat banao jahan har koi chal sakta hai , apne charitra ko aasman jaisa banao jahan har koi jaane ki ichha rakhta hai.

Manushya keep sabhi karya in satoon mein se kisi ek ya adhik vajahon she hotein hain
mauka
prakarti
mazburi
aadat
kaaran
junoon
ichha

yeh prarthana hamesha yaad rakhein _ he ishwar jise badla jaa sakta hai use badalne ki shakti de aur Jise badla nahi jaa salt a use swikaar karne ki shakti de.

Jeevan mein upar uthte samay sabhi logon se adab se pesh aaye kyonki neeche girte samay aap inhi logon se dubara milenge.

beti ko chand jaisa mat banao ki har koi ghoor ghoor ke dekhe apni beti ko suraj jaisa banao ki ghoorne se pehle subki nazar jhuk jaye.

Jo mummy papa ko swarg le jaata hai vo beta hota hai par Jo swarg ko ghar le aaye vo beti hoti hai.

beti ki mohabbat ko kabhi aazmana nahi vo phool hai use kabhi rulana nahi.

bahut chota sa safar hota hai beti ke saath
bahut kam waqt ke liye hoti hain vo hamare paas.

aise hote hai maa aur pita
jinke hone ka ahsaas kabhi nahi hota lekin na hone ka bahut hota hai.

jindagi mein shanti se jeene ke 2 hi tareeke hain
maaf kardo unko jinko tum bhool nahi sakte
or
..
..
bhool jao unko jinko tum maaf nahi jar sakte

har khushi dil ke kareeb nahi hoti
jindagi gamon se door nahi hoti
ai dosto dosti ko sanjo kar rakhna kyonki dosti har kisi ke naseeb mein nahi hoti

maa se rishta sabse khaas hota hai kyonki baaki saare rishtey hamare paida hone ke baad bante hain par ek maa hi hai jis se hamara rishta hamare paida hone se 9 mahine pehle hi ban jata hai.

apni tareef khud hi kariye kyunki aapki burai karne ke liye tou poora zamana taiyaar baitha hai.

is kalyug mein rupya chahe kitna bhi gir jaye itna kabhi nahi gir payega jitna rupay ke liye insaan gir chuka hai.

jiske paas umeed hai vo lakh baar haar kar bhi nahi haar sakta.

ek bahut achhi baat Jo jindagi bhar rakhiye aap ka khush rehna hi aap ka bura chahne walon ke liye sabse badi saza hai.

bharosa jitna kimti hota hai dokha utna hi mehanga hota hai
phool kitna bhi sundar ho tareef khushbu ki hi hoti hai
insaan kitna bhi bada ho kadra mein par uski pehchaan guno se hoti hai .

Jo hum doosro ko denge wahi laut kar aayega chahe vo ijatt ho samman ho ya phir dokha

doosro ko sunane ke liye apni awaz unchi mat karo balki apna vyaktitva itna uncha karo ki aapko sunne ke liye log intzaar karein.


THESE QUOTES ARE NOT MINE BUT ARE MY FAVOURITE SO I SHARED IT WITH YOU.

SHARED BY
SONIA PARUTHI
AMENITY PUBLIC SCHOOL